మా బంగారు తల్లి గురుకుల ప్రవేశం.

సరస్వతి నమస్తుభ్యం వరదే కామరూపిణి

విద్యారంభం కరిష్యామి సిధ్ధిద్బవతుమే సదా,

పద్మపత్ర విశాలాక్షీ పద్మకేసరవర్ణినీ

నిత్యం పద్మాలయా దేవీ సామాంపాతు సరస్వతీ.

నవ భారత సారధ్యానికి నేను సైతం అంటూ ,రాబోయె సోమవారానికి మూడు వసంతాలు నిండబొయె పుత్తడిబొమ్మ నవ్య ఈ సోమవారమే గురుకుల ప్రవేశం చేయబోతోంది. (స్కూలు లొ చేరుతోంది).

సిరి నగవుల సింగారానికి

హరి మౌము అరవిందానికి

నానమ్మ నయనతార నవ్యకి

కావాలి మీ అందరి దీవెనలు.

(పాడినది బాల సరస్వతి గారు ) మాఇంట్లొ పాడినది నవ్య అమ్మమ్మగారు. (బాలనందం సభ్యురాలు)

బంగారు పాపాయి బహుమతులు పొందాలి

మాపాప చదవాలి మా మంచి చదువు -- " బం"

మా పాప పలికితే మధువులే కురవాలి

పాపాయి ఆడితే పాములే ఆడాలి

పలు దేశములకు పోయి తెలివిగలపాపాయి

ఘన కీర్తి తేవాలి, ఘన కీర్తి తేవాలి-- "బం"

ఏ దేశమే జాతి ఏవరింటిదీ పాప

ఎవ్వరీ పాపాయి అని ఎల్లరడగాలి

పాపాయి చదవాలి మా మంచి చదువు -- "బం"

తెలుగు దేశము నాది తెలుగు పాపను నేను

అని పాప జగమంతా చాటి మురిపించాలి

మానోములపుడు మా బాగా ఫలియించాలి--" బం"

ఈ పాటని అమ్మ దగ్గరే నేర్చుకొని హైదరాబాదు రైల్వె స్టేషనుకి మేము వస్తూంటే కారులొ ముద్దుముద్దుగా పాడి వాళ్ళ అమ్మమ్మని మురిపించేసిందిలెండి.