చిన్నికృష్ణుడు..

   చూడ రండమ్మా వచ్చాడమ్మా కృష్ణుడూ
రేపల్లె వాడల్ని ఏలువాడూ ---" చూ"

   చూడ రండమ్మా వచ్చాడమ్మా కృష్ణుడూ
రేపల్లె వాడల్ని ఏలువాడూ--
మన గండాలు దాటించు నల్లవాడూ--- "ఛూ"

   తారంగాలు ఆడేవాడూ
పిల్లన గ్రోవి ఊదేవాడూ
వచ్చాడమ్మా వెన్నెల దొంగోడూ--- " చూ"

   పడగలు తొక్కిన పిల్లోడమ్మా
మడుగున ఆడిన గడుసోడమ్మా
వచ్చాడమ్మా గోవుల గోపన్నా---
పడగలు తొక్కిన పిల్లోడమ్మా
మడుగున ఆడిన గడుసోడమ్మా
వచ్చాడమ్మా గోవుల గోపన్నా
వాడు కొండను ఎత్తిన అల్లరి బుల్లోడూ---"చూ"

   చీరలు దోచిన చిన్నోడమ్మా
గారడి చేతల పిడుగోయమ్మా
వచ్చాడమ్మా కిటుకుల కిట్టయ్యా--
చీరలు దోచిన చిన్నోడమ్మా
గారడి చేతల పిడుగోయమ్మా
వచ్చాడమ్మా కిటుకుల కిట్టయ్యా--- " చూ"

   బాబుకు బుద్దులు చెప్పినవాడూ
భామల పాలిటి ప్రేమలవాడూ
వచ్చాడమ్మా రాధా కృష్ణయ్యా
బాబుకు బుద్దుల చెప్పినవాడూ
భామల పాలిటి ప్రేమలవాడూ
వచ్చాడమ్మా రాధాకృష్ణయ్యా
వాడ్డు వేణువు నూదే వెన్నెల కన్నయ్యా---"చూ"

   మామకు తగ్గ అల్లుడు వాడు
చెల్లెల్ని కాచిన అన్నయ్య వాడూ
వచ్చాడమ్మా అందరి క్రిష్ణయ్యా
మామకు తగ్గ అల్లుడు వాడూ
చెల్లెల్ని కాచిన అన్నయ్య వాడూ
వచ్చాడమ్మా అందరి క్రిష్ణయ్యా--
వాడూ వేణువు నూదే వెన్నెల దొంగోడూ--"చూ"

   చక్రం పట్టి తిప్పేవాడూ
అమ్మకు విశ్వం చూపినవాడూ
వచ్చాడమ్మా ముద్దుల కృష్ణయ్యా--
చక్రం పట్టి తిప్పేవాడూ
అమ్మకు విశ్వం చూపినవాడూ
వచ్చాడమ్మా ముద్దుల కృష్ణయ్యా
వాడూ లోకాలన్ని కాచేవాడూ--" చూ'

   గురువాయూరు క్షేత్రంలోన
గురువైవున్నాడమ్మా-- వాడూ
చందనగంధం సుందరుడోయమ్మా
గురువాయూరు క్షేత్రంలోనా
గురువైవున్నాడమ్మా-- వాడూ
చందనగంధం సుందరుడోయమ్మా--
వాడూ గురవాయూరు దేవుడైనాడూ "ఛూ"

    ఈ పై పాటా, లింకులో పెట్టిన చిన్న పిల్లల నృత్యమూ, మా నవ్య కోసం, శిరీషకి పంపుతూ, మీఅందరితోనూ పంచుకుంటున్నాను.