గౌరీ గణపతి పూజ

ఫాక్టరీలో మావారితో పనిచేసిన ఒక మహరాష్ట్రియన్ స్నేహితుడు, ఈమధ్యనే రిటైరయ్యారు. ఇంకొద్దిరోజుల్లో క్వార్టర్ వదిలేసి, స్వంత ఫ్లాట్ కి వెళ్ళిపోతారని, మరీ దూరం అయిపోతుందని, ఈవేళ చూడ్డానికి వెళ్ళాము. అదే కాదనుకోండి, ఇంకో కారణం కూడా ఉంది-- ఇక్కడ మహరాష్ట్రీయులు గౌరీ పూజ అని ఒక పూజ చేస్తారు, గణపతి నవరాత్రుల్లో. మూడు రోజులు. గౌరీదేవి రెండురూపాల్లో గణేశుడి అక్కగార్లరూపం లో, తమ్ముణ్ణి వెదుక్కుంటూ వస్తారని నమ్మకం. వారిపేర్లు కొంతమంది జ్యేష్ట్హ, కనిష్ఠ అంటారు, కొంతమంది గౌరి, లక్ష్మి అంటారు. పేర్లేమైతేనేం, ఆ రెండు మూర్తులకీ చేసే అలంకరణ చాలా బాగుంటుంది. తెలిసినవారందరినీ పేరంటానికి పిలిచి, పసుపు కుంకాలూ, కొబ్బరికాయా ఇచ్చుకుంటారు. అమ్మవారికి ఆరోజు ఆరు రకాల నైవెద్యాలు పెడతారు.
ఈ అమ్మవార్లమూర్తులు, వారికి వంశపారంపర్యంగా వస్తాయి. ఈ సందర్భంలో తీసిన ఓ చిన్న వీడియో ని ఇక్కడ చూడండి.