RSS

సదా బహార్ దసరా....

దసరా గురించి ఎన్నిసార్లు చదివినా , తాజాగానే ఉంటుంది. నేను ఇదివరలో వ్రాసిన టపాయే ఇంకోసారి......


   అమ్మ పరాశక్తి. అమ్మవారి రూపాలు, లీలలు,అసంఖ్యాకం. దుర్గ, లక్ష్మి, సరస్వతి, కాళీ, చండి, చాముండి,లలితాత్రిపురసుందరి,బాలాత్రిపురసుందరి,రాజరాజేశ్వరి,గాయత్రి, స్వాహా,స్వధ,ఇలా ఎన్ని రూపాలు, ఎన్నెన్ని లీలలు చెప్పనలవికానిది. ఆమె శక్తి స్వరూపిణి, శక్తి లేనిదె శివం లేదు, శివం లేనిదే శక్తి లేదు, ఆ శక్తి స్వరూపమే దుర్గ. సంవత్సరంలొ శరన్నవరాత్రులు చాలా తొందరగా గడచిపోతాయి. అమ్మవారి నిత్యపారాయణతో, మాతారాణీ పాటలతో, ఎపుడు తెల్లవారుతుందో ఎప్పుడు చీకటి పడుతుందో కూడా తెలీదు.అందరి యిండ్లలోను ఓ రకమయినా సంతోషం, ఉద్వేగం, ఆనందం,మరొ పక్క మన ఏడుకొండలవాని బ్రహ్మోత్సవాలు,పూజ త్వరగా ముగించి , టెలివిజన్లో బ్రహ్మోత్సవాలు వీక్షించడం కోసం,ట్.వి. ని అతుక్కుపోవడం, సాయంత్రం కీర్తనలు, భజనలు, పూజలు, పేరంటాలు ఒకటే హాడావిడి.
    మా బెంగాలి స్నేహితులయితే ఇంట్లొ ఒక అడుగు, దుర్గ మందిరంలొ మరొ అడుగునూ, వారి ముద్దులగుమ్మ దుర్గని, వారి యింటి గారాలపట్టి, సంవత్సరంలొ ఆ మూడు రోజులు పుట్టింటికి వస్తుందని,పరమశివుడు వారి జామాతని అంటారు.ఇంటికి వచ్చిన ముద్దుల కుమార్తెని ఆప్యాయతతో, ఆనందంతో, అభిమానంగా,ఆదరించి పూజిస్తారు. షడ్రచులతో,భక్ష్యాలు దేవికి సమర్పిస్త్తారు సామూహికంగా మందిరంలోనె వాళ్ళ భోజనాలు అవీను. సాయంత్రం మళ్ళి పూజలు, సాంస్క్రృతికార్యక్రమాలు, రోజూ రెండు పూటలా కొత్తచీరలు, చెప్పలెని ఆనందం, సంతోషం.
    మా నార్తు స్నేహితులయితే శరన్నవరాత్రులను మాతారాణి భజనలతో, రామయణ గానంతో, పరవశింపచేసేస్తారు, వయసుతో నిమిత్తం లేకుండా అందరూ చక్కని నృత్యాలతో,ఉల్లాసంగా గడుపుతారు.కొంతమది కన్యకలకి భొజనం,విభిన్న వస్తువులిచ్చి సంస్కృతి, సంప్రాదాయననుసరించి వారిశక్తి కొద్దీ జరుపుతూవుంటారు. మనవారు బొమ్మలకొలువుతో,ఇంద్రకీలాద్రి కనకదుర్గ పూజలతో,లలితాసహస్రనామార్చనలతో, గడచిపోతుంది. దేవి ఉపాసకులయితే వారి పూజా విధానం, అదీ చాలా శ్రద్దగా నియమ నిష్టలతో చేస్తారు.
    దసరా అంటే గుర్తుకువచ్చేది మా
చిన్నపుడు అయ్యవారికిచాలు, ఐదు వరహాలూ, పిల్లవాళ్ళకు చాలు పప్పుబెల్లాలు, జయా విజయీభవ, దిగ్విజయీభవా, అంటూ యింటింటికి వెళ్ళిన రోజులు గుర్తుకు వస్తాయి,ఆ రోజులు తలచుకుంటే, ఎంత వయసు వారికయినా మనలోని చిన్నపిల్ల మనస్తత్వం బయటపడుతుంది. ఇక్కడ పూణె లో " చతుర్ శ్రింగి మాత" ఆలయంలో చక్కని పూజలు, మేళా వుంటుంది ఆదేవి దర్శనానికి పొరుగూరినుండి భక్తులు వస్తూంటారు. ఆందరం కలసి విభిన్నసంస్కృతులతో అమ్మని కొలుస్తాము. ఏ ఆర్బాటాలు ఆడంబరాలు లేకుండా నిష్కల్మషమయిన మనసుతో పవత్రమైన భక్తితో, అర్చించినా ఆరాదించినా పూజించినా చాలు కదండీ! సర్వశక్తిమయీ, అభయప్రదాయిని, ఆనందదాయిని, ఆనందరూపిణీ, అయిన ఆతల్లి అనుగ్రహం మనకందరికి కలగాలని కోరుతూ



--------

6 వ్యాఖ్యలు:

sarma చెప్పారు...

సూర్యలక్ష్మి గారు
పందగను మా ఇంటికి తెచ్చేవు తల్లీ. శ్రీ మాత్రేనమః

భమిడిపాటి సూర్యలక్ష్మి చెప్పారు...

అన్నయ్యగారూ,

ధన్యవాదాలు.

Maddy చెప్పారు...

మీకు మీ కుటుంబసభ్యులకి దసరా శుభాకాంక్షలు .....
చాల చక్కగా వివరించారు...
రోజూ మీరు ఏదైనా రాస్తారని ఎదురుచూస్తున్నాం....
ఇలా చెప్పొచ్చో లెదో
వీలు కుదిరినప్పుడల్లా రాయండి....

భమిడిపాటి సూర్యలక్ష్మి చెప్పారు...

Maddy,

మీకుటుంబానికి మా దసరా శుభాకాంక్షలు. వీలు కుదిరినప్పుడు వ్రాయాలనే అనుకుంటున్నాను. కానీ ఆ 'వీలే' దొరకడం లేదు !!

Maddy చెప్పారు...

అవునా... కాసిని పనులు బాబాయిగారిని share చేస్కోమనండి.....

ఇలా చెప్పానని చెప్పకండి.... వారి బ్లాగుకి కామెంట్ కూడా పెట్టనివ్వరు నన్ను...

(మర్చిపోయా.... మీ బ్లాగు విషయాలన్నీ వారేగా చూసేది....అయిపోయాను దేవుడా...)

భమిడిపాటి సూర్యలక్ష్మి చెప్పారు...

Maddy,

మరీ అనకూడదు కానీ, పాపం అప్పుడప్పుడు చేస్తూనే ఉంటారు !!!!

పతియే పరమేశ్వరుడు, ఇల్లే వైకుంఠం
 
Copyright 2009 ఇదీ సంగతి All rights reserved.
Blogger Templates created by Deluxe Templates
Wordpress Theme by EZwpthemes